Poqbanın MY-dəki taleyi məlum oldu

İngiltərənin “Mançester Yunayted” klubunun futbolçusu Pol Poqbanın komandadakı gələcəyinə aydınlıq gəlib.

Komanda.az xəbər verir ki, fransalı futbolçu “qırmızı şeytanlar”da qalacaq. Komandanın baş məşqçisi Ole-Qunnar Sulşer klubun mətbuat xidmətinə verdiyi açıqlamada, futbolçuyla bağlı bunları deyib:

“Poqba bizim futbolçumuzdur. Müqaviləsinin bitməsinə bir il var, daha bir il uzada da bilər. Növbəti mövsüm də Poqbanın burda olmasını gözləyə bilərsiz”.

İngiltərə mətbuatının məlumatına görə, Poqba da komandada qalmaq istəyir. O, meneceri Mino Rayolaya klubla yeni müqavilə üçün danışıqlara başlamasını deyib.

2016-cı ildən “Mançester Yunayted”in şəfərini qoruyan 26 yaşlı futbolçu, zədə səbəbiylə cari mövsümdə sadəcə 8 oyunda forma geyinə bilib.