Poqba ərəblərdən 100 milyon avroluq təklif alıb

“Juventus”un yarımmüdafiəçisi Pol Poqba Səudiyyyə Ərəbistanının “Əl-İttihad” klubuna keçməyə yaxındır.

Komanda.az xarici KİV-ə istinadən xəbər verir ki, daha əvvəl 30 yaşlı fransalı oyunçunun həftəsonunu Səudiyyə Ərəbistanında keçirdiyi bildirilirdi. Futbolçu “Əl-İttihad”ın infrastrukturu ilə tanış olub. Səudiyyə Ərəbistanı klubu ona təxminən 100 milyon avro qazana biləcəyi üç illik müqavilə təklif edib.

Poqba keçən yay “Yuventus”a qayıtmışdı. O, zədə səbəbindən 2022/23 mövsümündə komandanın heyətində 10 oyun keçirib, 1 məhsuldar ötürmə edib.

“Əl-İttihad” bundan əvvəl Kərim Benzema və Nqolo Kante ilə müqavilə imzalayıb.