Poçettino: “Mən çox xoşbəxtəm”

“Çelsi”nin baş məşqçisi Maurisio Poçettino komandasının İngiltərə çempionatının 31-ci turunun “Mançester Yunayted”lə oyunda (4:3) qələbəsini şərh edib.

Komanda.az BBC-yə istinadən xəbər verir ki, o, oyunun çətin keçməsinə baxmayaraq qələbə qazandıqları üçün xoşbəxt olduğunu deyib:

“Çətin oyun oldu. Mən çox xoşbəxtəm, çünki qələbəyə layiq olduğumuzu düşünürəm. Düşünürəm ki, çətin idi, amma ümumilikdə biz daha yaxşı çıxış etdik. Oyuna çox yaxşı başladıq və qol buraxmağımız komandaya emosional təsir etdi. Reallıq budur ki, qalib gəlmək üçün həmişə daha çox şey etməlisən. Bu, azarkeşlərlə əlaqə qurmağın başlanğıcıdır və bu, gələcəyimiz üçün çox faydalıdır”.

99-cu dəqiqəyə kimi “Çelsi” 2:3 hesabı ilə uduzsa da, bu görüşdə 90+10 və 90+11-ci dəqiqələrdə qol vuraraq qələbə qazanıb.