Poçettino La Liqa klubunun hədəfində

İspaniyanın “Atletik” klubu yayda Maurisio Poçettinonu baş məşqçi postuna gətirmək istəyir.

Komanda.az xəbər verir ki, bu barədə “Ekip” nəşri məlumat yayıb. Argentinalı mütəxəssis bu postda Marselino Qarsiya Toralı əvəz edə bilər.

Poçettinonun PSJ ilə müqaviləsi var, lakin Fransa klubu mövsüm başa çatdıqdan sonra baş məşqçini dəyişmək niyyətindədir. Müqavilənin ləğvinə görə o, 15 milyon avro məbləğində təzminat alacaq.

Poçettinonun PSJ ilə hazırkı müqaviləsi 2023-cü ilə qədərdir.

“Atletik” bu mövsüm 35 oyundan sonra 52 xal toplayıb və turnir cədvəlində 8-ci yerdədir.