“Şikayət etmək “Real”ın həmişə taktikası olub” – “Barselona”nın futbolçusu

“Barselona”nın futbolçusu Jerar Pike, İspaniya mətbuatına maraqlı açıqlama verib.

Komanda.az xəbər verir ki, ispan müdafiəçi, əzəli rəqibləri “Real”ın hər şeydən şikayətçi olduğunu deyib:

“Barselona”nın basketbol komandası “Real”ı məğlub edərək, kubokun sahibi oldu. Bununla qürur duyuruq.

“Real” illərdir hər şeydən şikayətçidir. Bu qədər narazılıq edəcəklərinə, oyunlarına baxsınlar. Futbolda, basketbolda, hər şeydən şikayət edirlər. Bircə, həndbol və xokkeydə şikayətçi deyillər. Şanslıyıq ki, o oyunlarda narazılıq etmirlər.

Şikayət etmək “Real”ın həmişə taktikası olub. Artıq buna aludə olublar. Ancaq hakimlərdən şikayətçidirlər. Biz isə oyunçularımıza güvənirik və onlarla qürur duyuruq”.

Basketbol üzrə İspaniya kubokunun finalında “Real” və “Barselona” qarşılaşıb. “Real” bu qarşılaşmada əlavə vaxtda məğlub olub. Matçdan sonra Madrid təmsilçisi rəsmi saytı vasitəsilə hakim səhvinin olduğunu və Basketbol Federasiyasından üzr istəməsini tələb etmişdi.