PFL tender elan etdi

Peşəkar Futbol Liqası 2019/2020-ci illər futbol mövsümü üçün Premyer Liqanın titul sponsorluğu ilə əlaqədar tender elan edir.

Komanda.az PFL-ə istinadən xəbər verir ki, “Topaz”ın Azərbaycan Premyer Liqasına sponsorluğundan imtina etməsindən sonra qurum yeni sponsor axtarışındadır:

• Tenderdə iştirak etmək istəyən şirkətlər Premyer Liqanın təbliğinin təşkil olunmasında PFL ilə birgə çalışmalıdır
•  Tenderin qalibi şirkətinin tanıtımı, təbliği üçün Premyer Liqanın bütün reklamlarından istifadə səlahiyyətinə malik olacaq.
•  Premyer Liqanın titul sponsorluğunun təklif paketi maraqlanan şirkətə elektron poçt vasitəsi ilə göndəriləcək.

Tenderin ümumi maliyyə dəyəri müraciət edən şirkətlərlə qarşılıqlı razılıq əsasında müəyyənləşəcək. 

Tenderdə iştirak üçün son müraciət tarixi 6 sentyabr 2019-cu ildir.