PFL Naxçıvanı seçdi – Final matçı üçün

Azərbaycan kubokunun bu mövsümdəki final oyunu Naxçıvanda keçirilə bilər.

Bu barədə Komanda.az-a Peşəkar Futbol Liqasının (PFL) mətbuat xidmətindən məlumat verilib. Artıq PFL final matçının Naxçıvanda keçirilməsi üçün Muxtar Respublikanın gənclər və idman nazirliyinə müraciət də edib. Müsbət cavab verilərsə, final oyunu Naxçıvanda keçiriləcək.

Azərbaycan kubokunun final matçı mayın 19-da olacaq.

Naxçıvanda daha əvvəl 2017-ci ildə ölkə kubokunun final oyunu keçirilmişdi ki, həmin qarşılaşmada “Qarabağ” “Qəbələ”yə 2:0 hesabı ilə qalib gəlmişdi.