PFL “Ayın qolu” layihəsində dekabrın qaliblərini açıqladı

Peşəkar Futbol Liqası Azərbaycan Premyer Liqası, 1-ci Liqa və 2-ci Liqada həyata keçirdiyi “Ayın qolu” layihəsində dekabrın qaliblərini açıqlayıb.

Komanda.az xəbər verir ki, bu barədə PFL-in mətbuat xidməti məlumat yayıb.

Azərbaycan Premyer Liqasında Toral Bayramov, 1-ci Liqada Bilal İsmayılov, 2-ci Liqada isə Vidadi Cəfərovun qolu dekabr ayının ən yaxşısı seçilib.

Qaliblər ötən aydan etibarən qurumun feysbuk səhifəsindəki səsvermə nəticəsində yox, xüsusi seçilmiş 11 nəfərlik münsiflər heyəti tərəfindən müəyyənləşdirilir. Səsvermə nəticəsində bərabərlik olarsa, yekun qərarın verilməsi PFL-in səlahiyyətləri daxilindədir.