Ferqyuson işlədiyi ən yaxşı qapıçının adını açıqlayıb

“Mançester Yunayted”in sabiq baş məşqçisi Aleks Ferqyuson birlikdə işlədiyi ən yaxşı qapıçının adını açıqlayıb.

Komanda.az “Give me Sport”-a istinadən xəbər verir ki, “qırmızı şeytanlar”ın keçmiş baş məşqçisi indiyə qədər çalışdığı ən yaxşı qapıçının Peter Şmeyxel olduğunu deyib:

“Qəddar. Son dərəcə tələbkar. Danimarka futbolunun zirvəsi. Peter Şmeyxel indiyə qədər sahib olduğum ən yaxşı qapıçıdır”.

Şmeyxel 1991-1999-cu illərdə oynadığı “Mançester Yunayted”də əfsanəyə çevrilib. O, 1999-cu ildə UEFA Çempionlar Liqası da daxil olmaqla, çoxsaylı titullar qazanıb. Şmeyxel 1992-ci ildə Avropa çempionatını qazanan Danimarka millisinin də əsas oyunçusu olub.