Peşəkar Futbol Liqası yeni saytını istifadəyə verdi

Peşəkar Futbol Liqasının yeni saytı istifadəyə verilib.

Komanda.az xəbər verir ki, minimalist üslubda, xüsusi dizaynda hazırlanan saytda hər liqanın öz “pəncərə”si var və hər birində özünəməxsus rənglərdən istifadə olunub.

Sayta daxil olarkən ilk olaraq Premyer Liqa səhifəsi açılır. Səhifədə cari turun oyunlarını görmək mümkündür. Matçların əks olunduğu hissənin üzərinə toxunuş etdiyiniz zaman hər oyunda baş verən hadisələr xüsusi infoqrafika vasitəsilə göstərilir.

Oyunların aşağısındakı 36 rəqəm turlara işarədir.

Klubların loqolarına toxunuş edildikdə isə məlumatlarla zəngin nəfis tərtibata şahid ola bilərik.