Farfanın yeni klubu rəsmən açıqlandı

Perulu futbolçu Cefferson Farfan karyerasını ölkəsində davam etdirəcək.

Komanda.az xəbər verir ki, 36 yaşlı hücumçu “Alyans Lima” klubuna keçib. Bu barədə Peru təmsilçisinin mətbuat xidməti məlumat yayıb. Farfanla müqavilə 2022-ci ilin sonuna qədər nəzərdə tutulub.

Farfan “Alyans Lima” klubunun yetirməsidir. Yarımmüdafiəçi 1998-2004-cü illər aralığında məhz bu komandada çıxış edib.

Karyerası ərzində PSV (Niderland) və “Şalke” (Almaniya) kimi klublarda çıxış edən yarımmüdafiəçinin son ünvanı Rusiya “Lokomotiv”i olub. O, Peru millisində 94 oyunda 27 qol vurub.