Paltardəyişmə otağına getdi, Mbappeni təbrik etdi

“Real”ın prezidenti Florentino Peres “Jirona” ilə oyundan (3:0) sonra komandanın hücumçusu Kilian Mbappe ilə görüşüb.

Komanda.az xarici KİV-ə istinadən xəbər verir ki, matç başa çatdıqdan sonra Peres komandanın paltardəyişmə otağına gedərək, Mbappeni təbrik edib.

Fransalı futbolçu “Jirona”ya qarşı vurulan sonuncu – üçüncü qolun müəllifi olub. 

25 yaşlı forvard bütün yarışlarda Madrid klubunun heyətində 21 oyunda 11 qol vurub və 2 məhsuldar ötürmə edib. O, bu yay azad agent kimi PSJ-dən “Real”a keçib.