“Qvardiola “Mançester Siti”ni çalışdırmağa davam etsə…” – Karrager

“Liverpul”un keçmiş futbolçusu Cimi Karrager “Mançester Siti”nin çalışdırıcısı Pep Qvardiola haqda danışıb.

Komanda.az “The Telegraph”-a istinadən xəbər verir ki, o, ispaniyalı mütəxəssisin keyfiyyətli oyun üslubunu davam etdirə bilən kollektiv yaratdığını deyib:

“Şəhərlilər” trebl uğrunda irəlilədiyi müddətdə Premyer Liqanın qarşıdakı matçları narahatedici reallıqla üz-üzə qalıb. Qvardiola “Mançester Siti”ni çalışdırmağa davam etsə, digər klublar ikincilik üçün mübarizə aparmağa davam edəcək.

Pepin komandası 37-ci turda “Çelsi”ni məğlub etsə, onlar ardıcıl üçüncü dəfə titula sahib çıxacaqlar.

Bu mövsüm “Arsenal”ın yaxşı oynamasına baxmayaraq, heç bir klub “Mançester Siti”yə yaxın dura bilmir. Digər klubların fərqi azalda biləcəyi çətin görünür. Qvardiola öncədən görmədiyimiz keyfiyyətli oyun üslubunu davam etdirə bilən komanda yaradıb”.

“Mançester Siti” ölkə çempionatının 37-ci turunda “Çelsi”ni məğlub etsə, Premyer Liqanın qalibi olacaq.

“Şəhərlilər” iyunun 3-də İngiltərə Federasiya kubokunun finalında “Mançester Yunayted”lə üz-üzə gələcək.

Qvardiolanın yetirmələri iyunun 10-da isə Çempionlar Liqasının finalında “İnter”lə çempionluq uğrunda mübarizə aparacaq.