“Problemim olanda həmişə topu Pedriyə verirəm”

“Barselona”nın yarımmüdafiəçisi Mark Kasado komanda yoldaşı Pedrinin çıxışından məmnunluğunu bölüşüb.

Komanda.az xarici KİV-ə istinadən xəbər verir ki, ispaniyalı futbolçu, Pedrinin dünya səviyyəli oyunçu olduğunu bildirib:

“Pedri dünya səviyyəli oyunçudur. Problemim olanda həmişə topu ona verirəm. Onun yanında oynamaq uğurun qarantıdır”.

“Barselona” dünən Çempionlar Liqasında səfərdə Dortmund “Borussiya”sına qalib gəlib (3:2).

21 yaşlı Kasado cari mövsümdə Hans-Diter Flikin komandasında 20 matçda iştirak edib, 5 məhsuldar ötürmə verib. Pedri isə 23 oyunda 3 qol vurub və eyni sayda məhsuldar ötürməsi var.