Pedri: “Xəyal etdiyim klubda oynamaqdan xoşbəxtəm”

“Barselona”nın yarımmüdafiəçisi Pedri klubu ilə yeni müqavilə imzalayıb.

Kataloniya klubu dünən 22 yaşlı futbolçu ilə yeni müqavilə imzaladığını açıqlayıb. Yeni saziş 2030-cu ilin ortalarına qədər qüvvədədir.

Komanda.az xarici KİV-ə istinadən xəbər verir ki, ispaniyalı oyunçu “Barsa” azarkeşlərini çox gözəl şeylərin gözlədiyini bildirib:

“Barsa” azarkeşlərini çox gözəl şeylər gözləyir. Xəyal etdiyim klubda oynamaqdan xoşbəxtəm, reallıq gözləntilərimi üstələyir. İndi hər şeydən həzz almağa davam etməyin vaxtıdır”.

Pedri “Las Palmas”dan keçdiyi vaxtdan bəri “Barselona”nın heyətində bütün yarışlarda 175 matçda iştirak edib, 24 qol vurub və 17 məhsuldar ötürmə verib.