“Pedri ilə bir-birimizi mükəmməl başa düşürük”

“Barselona”nın yarımmüdafiəçisi Dani Olmo komanda yoldaşı Pedri haqqında danışıb.

Komanda.az xarici KİV-ə istinadən xəbər verir ki, ispaniyalı futbolçu, Pedri ilə bir-birlərini mükəmməl başa düşdüklərini bildirib:

“Pedri ilə bir-birimizi mükəmməl başa düşürük. Bilirdim ki, onunla hər oyunda çoxlu qol şansım olacaq”.

Pedri cari mövsümdə bütün turnirlər daxil olmaqla 17 matçda iştirak edib, 3 qol vurub və 2 məhsuldar ötürmə verib. Olmo isə 8 oyuna çıxıb və 5 qol vurub.

“Barselona” 13 turdan sonra İspaniya çempionatının turnir cədvəlinə başçılıq edir. Kataloniya komandasının aktivində 33 xal var. Hans-Diter Flikin yetirmələri növbəti matçda səfərdə “Selta” ilə qarşılaşacaq.