Pedri “Barselona”nın “sirlər”ini ortaya tökəcək

“Barselona”nın yarımmüdafiəçisi Pedri bu gün “Martinez y Hermanos” proqramında qonaq olacaq.

Komanda.az xarici KİV-ə istinadən xəbər verir ki, ispaniyalı futbolçu bu yaydan komandaya rəhbərlik edən baş məşqçi Hans-Diter Flikin cəza sistemindən danışacaq. Almaniyalı çalışdırıcı nizam-intizama çox ciddi yanaşır və cəza olaraq təkcə pul cərimələri deyil, həm də oyunçunu meydandan qova bilər.

Pedri həmçinin ingilis dili ilə bağlı problemlərindən, FİFA simulyatorunda Lamin Yamalın zəifliyindən və daha çox şeylərdən danışacaq.

“Barselona” hazırda İspaniya La Liqasında turnir cədvəlinə başçılıq edir.