Paytaxt klubunda yeni müqavilə

İtaliyanın “Roma” klubu futbolçusu Brayan Kristante ilə müqavilə müddətini uzadıb.

Komanda.az xəbər verir ki, bu barədə məlumatı klub rəsmi saytı vasitəsilə yayıb.

Onunla 2024-cü ilin yayına qədər yeni müqavilə imzalandığı bildirilib.

24 yaşlı italiyalı paytaxt klubuna 2018-ci ilin yayında “Atalanta”dan keçib. O, “Roma”da keçirdiyi 54 oyunda 5 qol vurub.