“Roma”da yeni baş məşqçi

İtaliyanın “Roma” klubu yeni baş məşqçisinin adını açıqlayıb.

Komanda.az klubun mətbuat xidmətinə istinadən xəbər verir ki, “canavarlar”ı Klaudio Ranyeri çalışdıracaq.

O, yeni komandası ilə cari mövsümün sonuna qədər anlaşıb.

İtaliyalı mütəxəssis daha əvvəl iki dəfə, müxtəlif vaxtlarda “Roma”nın uğurları üçün çalışıb. Ranyeri 2016-cı ildə “Lester”in (İngiltərə) baş məşqçisi kimi ölkə çempionluğunu qazanıb.