Harri Keyn komanda yoldaşını təriflədi

“Bayern”in hücumçusu Harri Keyn komandanın yarımmüdafiəçisi Aleksandr Pavloviçin çıxışından danışıb.

Komanda.az “Bild”-ə istinadən xəbər verir ki, ingilis futbolçu komanda yoldaşını tərifləyib:

“O, keçən mövsüm əla idi, lakin yeni sistemdə bunu daha yaxşı davam etdirə bilir. Onun daha yaxşı versiyasını görürsən. Pavloviç nə qədər çox oynayırsa, bir o qədər təcrübəli olur. O, getdikcə daha da yaxşılaşır”.

Pavloviç Almaniya Bundesliqasının bu mövsümündə 3 oyun keçirib və qol vurmayıb.

20 yaşlı yarımmüdafiəçi 2023/24 mövsümündə keçmiş baş məşqçi Tomas Tuxelin rəhbərliyi altında əsas komandaya düşüb və bunun sayəsində AÇ-2024 üçün Almaniya millisinə dəvət alıb.