Pavar “İnter”ə keçidindən danışdı

Fransalı müdafiəçi Benjamin Pavar “Bayern”dən “İnter”ə keçidini şərh edib.

Komanda.az xarici KİV-ə istinadən xəbər verir ki, o, Milan klubuna nə üçün keçdiyini açıqlayıb:

“İnter” qalib gəlməyi bacaran futbol klubudur. Bunun üçün onların qazandığı kuboklara baxın. Niyə bu kluba keçməklə bağlı qərar verdim? Çünki mən qələbə qazanmaq üçün futbol oynayıram.

“İnter”lə İtaliyada çempion olmağı planlaşdırıram. Kuboklar qazanmaq üçün yaşayıram. Bu, klub və azarkeşlər üçün vacibdir”.

27 yaşlı futbolçu “neradzurra” ilə 2028-ci ilin yayına qədər olan müqavilə imzalayıb.