![](https://komanda.az/wp-content/uploads/2023/02/taekvondo-dəstəsi-780x470.jpg)
Park Azərbaycan millisini Cənubi Koreyaya apardı
Qadın taekvondoçulardan ibarət Azərbaycan millisi hazırlığı ölkə xaricində davam etdirəcək.
Federasiyadan Komanda.az-a verilən məlumata görə, yığma baş məşqçi Sun Mi Park və böyük məşqçi Hyeyounq Çoinin rəhbərliyi altında Cənubi Koreyada təlim-məşq toplanışı keçəcək.
Qarşıdakı yarışlar, o cümlədən Bakıda təşkil olunacaq dünya çempionatında uğurlu çıxış üçün hazırlıq prosesində 7 taekvondoçu iştirak edəcək. Məşqçilər korpusu səfərə Sona Ağayeva, Məryəm Məmmədova, Minayə Əkbərova, Zemfira Həsənzadə, Patimat Abakarova, Səmərrux Osmanova və Fatimə Məcidovanı aparıblar.
Bu gün Cənubi Koreyaya yollanan komanda fevralın 28-də vətənə dönəcək.
Bizi Telegramda izləyin
Bizi Facebook-da izləyin