“Özümü Premyer Liqada yoxlamaq istəyirəm” – Alleqri

Son vaxtlar adı müxtəlif klublarla yanaşı çəkilən Massimiliano Alleqri açıqlama verib.

Komanda.az İngiltərə mətbuatına istinadən xəbər verir ki, Premyer Liqada çalışmaq ehtimalı barədə danışan 53 yaşlı mütəxəssis, bunları deyib:

“Fikrimcə, İngiltərə futbolu inkişaf etməkdədir. Orda çalışan legioner məşqçilər çempionatı daha yaxşı vəziyyətə gətirdi. Özümü Premyer Liqada yoxlamaq istəyirəm”.

Son olaraq İtaliyanın “Yuventus” klubunda çalışan italiyalı mütəxəssisin adı “Mançester Yunayted” və PSJ ilə yanaşı çəkilir.