Ozobiç “Frayburq”la oyunda olmayacaq

“Qarabağ”ın futbolçusu Filip Ozobiçin durumuna aydınlıq gəlib.

Ağdam klubundan Komanda.az-a verilən məlumata görə, Premyer Liqanın 12-ci turunun  “Şamaxı” ilə oyununda (4:0) zədələnən yarımmüdafiəçi bu gün tibbi müayinədən keçib. 

Futbolçunun diz yan bağlarında dartınma aşkarlanıb. Həkimlərin ilkin rəyinə əsasən, Ozobiç 3-4 həftə yaşıl meydanlardan kənarda qalacaq. 

Qara Qarayev isə həkim nəzarətində fərdi məşqlərini davam etdirir. Onun “Frayburq”la matçda oynayıb-oynamayacağı hələ dəqiqləşməyib.

“Qarabağ” – “Frayburq” matçı noyabrın 3-də keçiriləcək.

Bizi Telegramda izləyin