“Allah Ardadan razı olsun” – Özil

“Real”ın sabiq yarımmüdafiəçisi Məsut Özil İspaniya klubuna keçən “Fənərbaxça”nın futbolçusu Arda Gülər haqda danışıb.

Komanda.az “Marca” nəşrinə istinadən xəbər verir ki, o, “səndən də yaxşı 10 nömrə varmı” sualını belə cavablandırıb:

“Bu sual üçün ağlımda yalnız bir cavab variantı var: Arda Gülər. Ona səmimi qəlbdən inanıram. Allah Ardadan razı olsun”.

Özil bu ilin martında peşəkar futbolçu karyerasını bitirdiyini açıqlayıb. O, Almaniyada “Şalke”, “Verder”, İspaniyada “Real”, İngiltərədə “Arsenal”, Türkiyədə “Başakşəhər” və “Fənərbaxça” kimi klubların formasını geyinib.

Arda Gülər 2022/23 mövsümündə “Fənərbaxça”nın heyətində bütün turnirlər daxil olmaqla 35 oyunda 6 qol vurub və 7 məhsuldar ötürmə edib.