Ozanlı HJK-dan yeni mövsümdə ilk qələbə

Finlandiya çempionatında 4-cü turun oyunları keçirilir.

Komanda.az xəbər verir ki, Azərbaycan millisinin yarımmüdafiəçisi Ozan Can Kökçünün komandası – HJK da növbəti matçına çıxıb.

Sözügedən komanda evdə VPS ilə üz-üzə gəlib və 3:1 hesablı qələbəyə sevinib.

Komandasının yeni mövsümdə ilk qələbəsinə sevindiyi oyunda Ozan da iştirak edib. O, 84-cü dəqiqədə meydana buraxılıb.

Helsinki təmsilçisi hazırda 3 xalla 9-cu pillədə qərarlaşıb.