Ozan Canlı “Eyndhoven” doğma meydanda uduzdu

Futbol üzrə Niderland birinci divizionunda 18-ci turun oyunları keçirilib.

Komanda.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.

Sözügedən kollektiv doğma meydanda “Venlo” ilə üz-üzə gəlib. Futbolçumuzun komandası bu oyundan məğlubiyyətlə ayrılıb – 0:2.

Ozan da bu görüşün iştirakçısı olub. O, 61-ci dəqiqədə meydana buraxılıb. Millimizin üzvü 84-cü dəqiqədə sarı vərəqə ilə də cəzalanıb.

“Eyndhoven” hazırda 32 xalla 20 kollektiv arasında 4-cü pillədə qərarlaşıb.