Azərbaycan millisinin futbolçusu üçün yeni baş məşqçi

Türkiyənin “Girəsunspor” klubunun yeni baş məşqçisi müəyyənləşib.

Komanda.az xəbər verir ki, Azərbaycanın U-21 yığmasının üzvü Ozan Can Kökçünün formasını geyindiyi 1-ci liqa təmsilçisini bundan sonra Ərkan Sözəri çalışdıracaq. Bu barədə klubun rəsmi saytı məlumat yayıb.

Tərəflər arasında 1,5 illik müqavilə imzalanıb.

“Girəsunspor” bir müddət əvvəl sabiq baş məşqçisi Kemal Kılıçla yollarını ayırmışdı.

“Girəsunspor” 30 turdan sonra 29 xalla 18 kollektiv arasında 15-ci pillədə qərarlaşıb.