Ozan Can PSV-yə qarşı 75 dəqiqə oynadı

Futbol üzrə Niderland 2-ci liqasında 20-ci turun oyunları keçirilib.

Komanda.az xəbər verir ki, Azərbaycan millisinin yarımmüdafiəçisi Ozan Can Kökçünün şərəfini qoruduğu “Telstar” da növbəti oyununa çıxıb.

Sözügedən kollektiv doğma meydanda PSV-nin gənclərdən ibarət komandası ilə qarşılaşıb. Futbolçumuzun komandası bu oyundan heç-heçə ilə ayrılıb – 0:0.

Ozan da bu matçın iştirakçısı olub. O, start heyətdə meydana çıxıb və 75-ci dəqiqədə əvəzlənib.

“Telstar” 20 oyuna topladığı 20 xalla 20 kollektiv arasında 16-cı pillədə qərarlaşıb.