“El klasiko” ilə bağlı çox söz-söhbət var, amma…” – Zidan

İspaniyanın “Real” klubunun baş məşqçisi Zinəddin Zidan La Liqanın 10-cu turundan təxirə salınmış “Barselona” ilə oyundan əvvəl açıqlama verib.

Komanda.az İspaniya mətbuatına istinadən xəbər verir ki, fransalı mütəxəssis, “el klasiko”nun təxirə salınması ilə bağlı bunları deyib:

“Bütün fikrimizi meydana yönəltməli və oyun haqqında düşünməliyik. Hər kəs öz işini görmək istəyir. “El klasiko” ilə bağlı çox söz-söhbət var, amma insanlar sadəcə futbol izləmək istəyirlər. Baş verən hadisələrlə bağlı kiməsə nəyisə izah etməyə ehtiyac yoxdur. İşim sadəcə oyun haqqında düşünməkdir. Əksər insanlar bu oyundan zövq almaq istəyirlər”.