Qrizmannı ağladan oyun

Fransalı hücumçu Antuan Qrizmann milli komandanın DÇ-2022-nin yarımfinalında Mərakeşi məğlub etdiyi matç barədə danışıb.

Komanda.az xarici KİV-ə istinadən xəbər verir ki, o, final oyunu barədə də fikir bildirib:

“Belçika ilə oyundan sonra ağladım (DÇ-2018, yarımfinal). İndi diqqətimi finala cəmləşdirirəm. Yalnız bazar günü keçiriləcək matçı düşünürəm. Biz bir araya gəlməli, daha da yaxşı mübarizə aparmalı və bazar günü keçiriləcək final görüşünə hazırlaşmalıyıq”.

Fransa millisi DÇ-2022-nin yarımfinalında Mərakeşi məğlub edərək (2:0), həlledici mərhələyə çıxa bilib. Onların rəqibi Argentina yığması olacaq. Oyun dekabrın 18-də keçiriləcək.