“Oyundan oyuna daha yaxşı təsir bağışlayırıq” – Baxşıyev

“Araz-Naxçıvan”ın baş məşqçisi Elmar Baxşıyev bu gün Türkiyədəki təlim-məşq toplanışı çərçivəsində keçirilən “Alanyaspor”la oyunu (0:0) şərh edib.

Komanda.az xəbər verir ki, o, klubun mətbuat xidmətinə verdiyi açıqlamada belə deyib:

“Hazırlığımız plan üzrə gedir. Bugünkü matçdakı rəqibimiz Türkiyə Superliqası komandasıydı. “Alanyaspor”la oyunda da demək olar, heyətin bütün üzvlərinə şans verdik. Hamını məşqlə paralel oyunda da yoxlamaq istəyirik. Oyundan oyuna daha yaxşı təsir bağışlayırıq. Əlbəttə, səhvlər, çatışmazlıqlar olur. Biz də bu cür matçlarda həmin problemləri aşkarlamaq, məşqlərdə aradan qaldırmaq istəyirik. Uşaqlar çox istəklidirlər. Bu da sevindirici məqamdır. Ümumi götürdükdə, komandanın performansından razı qaldım”.