ÇL: “Hər kiçik səhvə görə cəzalandırılırıq” – Pioli

“Milan”ın baş məşqçisi Stefano Pioli komandasının Çempionlar Liqasının qrup mərhələsinin 3-cü turunda PSJ ilə oyunda (0:3) məğlubiyyətindən danışıb.

Komanda.az “Football Italia”-ya istinadən xəbər verir ki, o, rəqib komandanın daha yaxşı çıxış etdiyini bildirib:

“Düşünürəm ki, 60 dəqiqə PSJ-dən daha yaxşı oynadıq. Oyunçularımı davranışlarına görə qınaya bilmərəm, amma PSJ texniki səviyyədə daha yaxşı çıxış etdi. Təbii ki, biz daha yaxşısını edə bilərik, amma indi hər kiçik səhvə görə cəzalandırılırıq. Bu, daha yaxşı çıxış etməyimiz üçün motivasiyadır, çünki Çempionlar Liqasında İtaliyadakı ən yaxşı oyunlarda olduğu kimi, rəqabət səviyyəsi çox yüksəkdir. Bizim daha çox nailiyyət əldə etmək imkanımız var”.

PSJ hazırda 6 xalla öz qrupunda turnir cədvəlinə başçılıq edir. “Milan” 2 xalla sonuncu yerdədir.