Azər Bağırov: “Oyunçularım xarakter nümayiş etdirdi”

“Kəpəz” bu gün Azərbaycan Premyer Liqasının 19-cu turunda “Turan Tovuz”la qarşılaşıb.

Komanda.az xəbər verir ki, Tovuz şəhər stadionunda keçirilən matçda 5:2 hesabı ilə qalib gələn Gəncə təmsilçisinin baş məşqçisi Azər Bağırovun oyundan sonra mətbuat konfransı keçirilib. Bağırov çətin oyun olduğunu bildirib:

“Öncə 20 Yanvar faciəsi ilə əlaqədar Allahdan şəhidlərimizə rəhmət diləyirəm. Kiçik anlaşılmazlıqlara görə Tovuz azarkeşlərindən üzr istəyirəm. Çətin oyun oldu. Düşünürəm ki, oyunçularım sonuncu dəqiqəyə qədər yaxşı mübarizə apararaq, istədiklərimizi həyata keçirə bildilər. Komandamı qələbə münasibəti ilə təbrik edirəm. Matça yaxşı köklənmişdilər. Oyunçularım xarakter nümayiş etdirdi. Növbəti turda səfərdə “Səbail”lə qarşılaşmada bunu davam etdirməyə çalışacağıq”.

“Kəpəz” növbəti turda səfərdə “Səbail”lə üz-üzə gələcək.

Fəxri Rüstəmli