“Oyunçulara şans verməsək, onları itirə bilərik”

“Napoli”nin baş məşqçisi Antonio Konte İtaliya kubokunun 1/8 final mərhələsində “Latsio” ilə oyunda (1:3) heyətin rotasiyasını açıqlayıb.

Komanda.az xarici KİV-ə istinadən xəbər verir ki, italiyalı çalışdırıcı oyunçuların məşqdə yaxşı işlədiklərini bildirib:

“Bu, atmalı olduğumuz bir addım idi. Başqa nə vaxt rotasiya etməliyik? Oyunçular məşqdə yaxşı işləyirlər, şans verməsək, onları itirə bilərik. Rotasiya ilə bağlı sualları başa düşürəm, amma vəziyyətə öz baxışım var. Düşünürəm ki, bu, balanslaşdırılmış oyun idi, lakin müəyyən vəziyyətlərdə biz daha yaxşı oynamalıydıq”.

“Napoli” A Seriyasının turnir cədvəlinə başçılıq edir və onu izləyən “Atalanta”nı 2 xal qabaqlayır.