“Oyun intizamına riayət etdik”

Futzal üzrə Azərbaycan milli komandasının baş məşqçisi Joze Alesio Da Silva Serbiya yığmasına qarşı keçirdikləri ilk yoxlama oyununu şərh edib.

Komanda.az xəbər verir ki, braziliyalı mütəxəssis federasiyanın rəsmi saytına açıqlamasında 2:1 hesablı qələbə ilə bağlı bunları söyləyib:

“Maraqlı oyun alındı. Rəqibimiz kifayət qədər güclü komanda olsa da, oyunçularım özlərini yaxşı tərəfdən göstərdilər. Məni ən çox sevindirən məqam oyun intizamına riayət etməkdi ki, bu qarşılaşmada bunu bacardıq. Təbii ki, bütün rəqiblərimizə hörmətlə yanaşırıq. Ancaq hər bir oyunun öz xarakteristikası, tapşırığı var. Bu komanda ilə daha bir oyunumuz var. Əvvəlki səhvlərimizi təkrarlamamağa çalışacağıq. Meydana çıxmısansa, sona qədər mübarizə aparmalısan”.