Ouendən proqnoz: Bu matçın qalibi Çempionlar Liqasını qazanacaq

“Real”ın sabiq hücumçusu Maykl Ouen Madrid klubunun Çempionlar Liqasının yarımfinal mərhələsinin “Bayern”lə ilk oyundakı (2:2) nəticəsini şərh edib.

Komanda.az UEFA-nın mətbuat xidmətinə istinadən xəbər verir ki, o, bu oyunun qalibinin Çempionlar Liqasını qazanacağını deyib:

“Şəxsən mən düşünürəm ki, bu matçın qalibi Çempionlar Liqasının qalibi olacaq. Üstünlük indi “Real”ın tərəfindədir”.

Cavab oyunu mayın 8-də Madriddə keçiriləcək.