“Ötürmə verə bilmirsən, lənətə gəlmiş axmaq”

“Borussiya”nın (Dortmund) futbolçuları Çud Bellingemin “Real” keçidini sevinclə qarşılayıblar.

Komanda.az “Bild” nəşrinə istinadən xəbər verir ki, buna səbəb Bundesliqa klubunun oyunçularının ingiltərəlini eqoist və narsist hesab etmələri olub.

Onlar 2022-ci ilin fevralında Çempionlar Liqası çərçivəsində keçirilən matçda Bellingemin Niko Şultsa qarşı işlətdiyi sözləri də dilə gətiriblər: “Ötürmə verə bilmirsən, lənətə gəlmiş axmaq”.

Xatırladaq ki, Bellingem yay transfer pəncərəsində Almaniya klubundan “Real”a keçib.