“Oturdum, fikirləşdim və futbolla vidalaşdım” – Deviç

Bir müddət əvvəl karyerasını bitirdiyini açıqlayan “Sabah”ın hücumçusu Marko Deviç açıqlama verib.

Komanda.az xəbər verir ki, “zurnal.rs” saytına açıqlama verən ukraynalı futbolçu, karyerasını bitirməyi ilə bağlı danışıb:

“Koronavirusla bağlı vəziyyət və Azərbaycan klubu ilə yaya qədər olan müqavilə bu qərarı verməyimə təsir etdi. 37 yaşlı insan digər şeylər – həyat və idman çətinlikləri haqqında düşünməyə başlayır. Amma bu məsafədə artıq yarım saat sonra məşqə başlamağım üçün, saat 15:00-da stadiona getməyim üçün özümü həvəsləndirə bilmirəm. Burda maksimum səviyyədə necə oynaya bilərəm? Digər tərəfdən, gündən-günə imkanların yüz faizini təmin etməyi üzərimə götürmüşəm, ailəm var. Oturdum, fikirləşdim və futbolla vidalaşdım. Sadəcə meydanda.

Ölkə xaricində 16 ildən çox karyera gözləmirdim. Bunun üçün xoşbəxt və qürurluyam, bunlar mənim üçün böyük şeydir. Çox gözəl xatirələrim var”.

Deviç, gələcək planları barədə də danışıb:

“Əvvəlcə bir az fasilə verməliyəm. Futbolda idarəçilik işində ola bilərəm, bu baxımdan, digər imkanlara da baxacam. Şahmat oynamağı da sevirəm. Əvvəlcə menecer, sonra məşqçi olacam. A kateqoriyalı lisenziyam var, ən yüksək məşqçilik kursuna qatılmağı planlaşdırıram. Səyahət menecer həyatının ayrılmaz hissəsidir. Bu, məşqçilikdən daha az streslidir”.