Osimhen: “Biz Kvaratsxeliyaya “sehrbaz” deyirik”

“Napoli”nin hücumçusu Viktor Osimhen komandanın vingeri Xviça Kvaratsxeliya haqda fikirlərini bölüşüb.

Komanda.az AS-a istinadən xəbər verir ki, Osimhen, gürcü futbolçu ilə əla münasibətləri olduğunu bildirib:

“Mən onu çox sevirəm. Bizim əla münasibətimiz var, o, çox yaxşı insandır. Biz ona sehrbaz deyirik”.

Kvaratsxeliya bu mövsüm A Seriyasında “Napoli”nin heyətində 8 oyun keçirib, 3 qol vurub və eyni sayda məhsuldar ötürmə edib.