“Orda oynamaq gözəl olardı, amma hazırda burdayam” – İquayn

“Yuventus”dakı gələcəyi müzakirə edilən Qonsalo İquayn açıqlama verib.

Komanda.az İtaliya mətbuatına istinadən xəbər verir ki, “qoca sinyora”dan ayrılacağı deyilən argentinalı futbolçu, MLS-ə getmək və ya ölkəsinə qayıtmaq ehtimalı barədə danışıb:

“Ayın 24-də məşqlərə başlayırıq, klubla daha bir illik müqaviləm var. Özümü göstərməli və yeni baş məşqçiylə necə olacağını görməliyəm. Bir çox futbolçu MLS-ə gedir. Orda oynamaq gözəl olardı, amma hazırda burdayam.

Hazırda Argentinaya qayıtmaq istəmirəm. Futbolçuların əksəriyyəti ora qayıtmağa tərəddüd edir. Bundan sonrakı qərarlar üçün gözləməliyik”.

İquaynın “Yuventus”la müqaviləsi 2021-ci ilin yayında bitir.