“Ora mənim üçün doğru seçim olmaz” – Ziyexdən açıqlama

Son mövsümdə göstərdiyi oyunla bir çox klubun maraq dairəsində olan “Ayaks”ın futbolçusu Hakim Ziyex, gələcək karyerası ilə bağlı açıqlama verib.

Komanda.az Hollandiya mətbuatına istinadən xəbər verir ki, “Sevilya”nın transfer hədəfində olduğu deyilən mərakeşli futbolçu, məsələylə bağlı bunları deyib:

“Ayaks”dan sadəcə doğru klub üçün ayrılacam. “Sevilya” ilə maraqlanmıram. Ora mənim üçün doğru seçim olmaz”.

“Liverpul”, “Arsenal”, “Roma” kimi klubların maraq dairəsində olan futbolçunun transfer qiyməti 30 milyon avro olaraq müəyyənləşdirilib.

“Ayaks”la 2021-ci ilədək müqaviləsi olan Ziyex, son mövsümdə iştirak etdiyi 49 oyunda 21 qol, 24 məhsuldar ötürmə ilə yadda qalıb.