“Mamardaşvili “Liverpul”a keçəcək, əminəm” – Azərbaycanda oynamış sabiq futbolçu

Gürcüstan yığmasının sabiq futbolçusu Giorgi Demetradze “Valensiya”nın qapıçısı Giorgi Mamardaşvili haqda danışıb.

Komanda.az “championship”-ə istinadən xəbər verir ki, gürcüstanlı keçmiş futbolçu, Mamardaşvilinin “Liverpul”a keçəcəyinə əmindir:

“Mamardaşvili ilə təkcə “Liverpul” yox, bir çox klublar maraqlanır. O, son Avropa çempionatının ən yaxşılarından biri idi. Turnirdə çox şey etdi. Mamardaşvili “Liverpul”a keçəcək, buna əminəm. O, buna tamamilə layiqdir.

Avropa çempionatında çox qapıçı parlamadı. Üstəlik, son İspaniya çempionatında o, ən yaxşılardan biri idi. Avqustun sonuna qədər o, mütləq “Liverpul”da olacaq”.

“Liverpul”un Mamardaşvilinin transferi üçün İspaniya klubu ilə praktiki olaraq razılığa gəldiyi barədə məlumat yayılıb.

Demetradze 2008-2009-cu illərdə hazırda fəaliyyət göstərməyən “Bakı” klubunda forma geyinib.