“Aleksander-Arnoldun “Liverpul”dan azad agent kimi getməsi xoşagəlməz olacaq”

“Liverpul”un keçmiş futbolçusu Cimi Karrager komandanın müdafiəçisi Trent Aleksander-Arnoldun gələcəyi ilə bağlı fikirlərini bölüşüb.

Komanda.az “Sky Sports”-a istinadən xəbər verir ki, ingiltərəli sabiq futbolçu, Aleksander-Arnoldun klubu azad agent kimi tərk etməsinin xoşagəlməz olacağını bildirib:

“Trent “Liverpul”un yetirməsidir. Onun klubdan azad agent kimi getməsi xoşagəlməz olacaq. Komandada qalsa, ən yaxşı oyunçulardan biri kimi yadda qalacaq. O, Stiven Cerrarddan bir qədər geridə olacaq”.

Daha əvvəl 26 yaşlı oyunçunun karyerasını “Real”da davam etdirə biləcəyi bildirilirdi.

Aleksander-Arnold 2016-cı ilin yayından “Liverpul”da çıxış edir. Tərəflər arasındakı hazırkı müqavilə 2025-ci ilin iyulun sonunda başa çatacaq.