“Onun gələcək karyerası klubdan asılıdır” – Poqba

“Mançester Yunayted”dəki gələcəyi müzakirə olunan Pol Poqbanın qardaşı Matias Poqba açıqlama verib.

Komanda.az “As” nəşrinə istinadən xəbər verir ki, “Real”ın transfer hədəfində olan qardaşı ilə bağlı danışan Matias, bunları deyib:

“Bu məsələylə bağlı heç nə bilmirəm, “Santyaqo Bernabeu”da deyiləm. Futbolda nə olacağını heç vaxt bimək olmur. Poqba hər zamankı kimi, yaxşıdır. Heç kim məndən “Mançester Yunayted” haqqında pis nəsə deməyimi gözləmir. Poqba peşəkar futbolçudur və hazırda bu klubdadır. Onun gələcək karyerası isə klubdan asılıdır. Hamı qardaşımın “Real”a və Zinəddin Zidana münasibətini bilir. Bu məsələdə danışması vacib olanlar “Mançester Yunayted” və “Real”dır. Zidan Poqbayla bağlı hər zaman müsbət danışıb, bu, şərəfdir”.