“Onun gedişini qəbul etmək bizim üçün çətindir” – Ter Ştegen

“Barselona”nın qapıçısı Mark-Andre Ter Ştegen komandanın baş məşqçisi Xavi Hernandesin cari mövsümün sonunda klubdan ayrılması ilə bağlı fikirlərini bildirib.

Komanda.az klubun rəsmi səhifəsinə istinadən xəbər verir ki, alman qapıçı ispaniyalı məşqçinin komandanı yüksək səviyyəyə qaytardığını deyib:

“Komanda baş məşqçinin qərarına cavabdehdir. Biz həmişə əlimizdən gələni etməliyik, o cümlədən onun xatirinə. Xavi komandanı yüksək səviyyəyə qaytarmış əla mütəxəssisdir. Onun gedişini qəbul etmək bizim üçün çətindir”.

Xavi daha əvvəl mövsümün sonunda postunu tərk edəcəyini açıqlamışdı.

“Barselona” La Liqada 61 xalla turnir cədvəlinin üçüncü pilləsində qərarlaşıb.