“Berluskoni “Milan”ı qlobal brendə çevirərək, milyonlarla azarkeşin qəlbini fəth edib” – Buffon

“Parma”nın qapıçısı Canluici Buffon “Milan”ın keçmiş sahibi Silvio Berluskoni haqda fikirlərini bölüşüb.

Komanda.az “ITASportPress”-ə istinadən xəbər verir ki, o, İtaliyanın sabiq baş nazirinin Milan təmsilçisini qlobal brendə çevirdiyini bildirib:

“Berluskoni “Milan”ı qlobal brendə çevirərək milyonlarla azarkeşin qəlbini fəth edib. Onun futboldakı irsi həmişə əvəzolunmaz olacaq”.

Xatırladaq ki, “Montsa” klubunun prezidenti dünən Milanda yerləşən San Raffaele xəstəxanasında vəfat edib. Aprel ayında onun leykemiya xəstəliyi ilə bağlı xəbəri yayılmışdı.

Berluskoni 1986-2016-cı illərdə “Milan”ın sahibi olub. O, 2018-ci ilin sentyabrında “Montsa”nı satın almışdı.