“Əl-Nəsr”dən Ronaldoya xüsusi imtiyaz

“Əl-Nəsr”in hücumçusu Kriştiano Ronaldo klubun transfer məsələlərinə dəstək ola bilər.

Komanda.az AS nəşrinə istinadən xəbər verir ki, Səudiyyə Ərəbistanı təmsilçisi portuqaliyalıya qeyd olunan məsələ üzrə məsləhət vermək hüququ verib.

“Əl-Nəsr” rəhbərliyi komandaya Ronaldonun bəyəndiyi futbolçuları cəlb etmək fikrindədir. Klub rəhbərliyi düşünür ki, bu cür məsələlərdə 38 yaşlı forvardın fikri həlledici ola bilər.

Xatırladaq ki, “Əl-Nəsr” 2022/23 mövsümündə Səudiyyə Ərəbistanı liqasında ikinci olub və gümüş medallara yiyələnib.