Onun arzularının komandası – “Liverpul”un hücumçuları yoxdur

“Liverpul”un müdafiəçisi Vircil van Dayk keçmiş futbolçu Rio Ferdinandın proqramının qonağı olub.

Komanda.az xəbər verir ki, 30 yaşlı niderlandlı arzularının komandasını açıqlayıb. Maraqlıdır ki, beş futbolçunun yer aldığı komandada “Liverpul”lun hücum xəttindən heç kim yoxdur.

Van Dayk qapıda komanda yoldaşı Allison Bekkerə üstünlük verib. Yeganə müdafiəçi kimi isə özünə güvənib. Yarımmüdafiə və hücum xəttinə isə “Mançester Siti”dən Kevin De Bruyne, PSJ-dən Kilian Mbappe və “Real”dan Kərim Benzemanı seçib.

Van Dayk mayın 28-də Çempionlar Liqasının finalında “Real”ın hücumçusu Kərim Benzemaya qarşı oynayacaq.