“Argentinanın Messiyə ehtiyacı var” – Poçettino

PSJ-nin keçmiş baş məşqçisi Maurisio Poçettino Argentina millisi haqqında danışıb.

Komanda.az “The Athletic”-ə istinadən xəbər verir ki, o, Lionel Messi barədə də fikir bildirib:

“Komandanızda Messi varsa, onun üçün mübarizə aparmalısız. Topa sahib olanda onu tez bir zamanda Messiyə verməlisiz ki, o, nəsə yarada bilsin. Təbii ki, Argentinanın Messiyə ehtiyacı var, amma Messinin də hər an mübarizə aparmaq üçün digər 10 oyunçuya ehtiyacı var. Bu, komanda oyununun əsas məqamlarından biridir. Bütün futbolçular Messi ilə oynamaqla dünya çempionatını qazana biləcəklərinə inanırlar”.

Argentinalı mütəxəssis milli komandanın fərqli futbolçulara sahib olduğunu vurğulayıb:

“Milli komandada fərqli oyunçular var: Rodriqo De Paul, Aleksis Makallister, Enzo Fernandes, Xulian Alvares və s. Onlar əllərindən gələni edirlər. Ən əsası, bunu Messi üçün də edirlər. Həmin futbolçular bilir ki, həyatda hər şey mümkündür. Çünki onların Messisi var”.

Argentina millisi DÇ-2022-nin final matçında Fransa ilə qarşılaşacaq. Oyun dekabrın 18-də keçiriləcək.